Identifikohet shqiptari i cili humbi jetën mëngjesin e kësaj të diele, në një aksident tragjik në Itali.
Viktima është 50-vjeçari Arben Çekaj, i cili gjeti vdekjen si pasojë e përplasjes me një pemë, të makinës me të cilën udhëtonte.
Krahas tij mbetën të plagosur edhe katër persona të tjerë që udhëtonin në të njëjtin mjet, mes tyre një fëmijë.
Mësohet se Çekaj bashkë me familjarët e tij ishte nisur për në plazh, në momentin që ndodhi ngjarja.
Aksidenti i rëndë u shënua në zonën e Viterbos në Itali.
Aksidenti ndodhi në rrugën e Formiconcino, ku nga hetimet paraprake një makinë tip “Golf” dhe një mjet tjetër po parakalonin njëra tjetrin në rrugën Dogana, e cila lidh Tuscania me Montalto di Castro.
Para tyre doli një makinë tip “Smart” dhe për të shmangur përplasjen, një nga dy mjetet u përplas me një pemë.
