Policia e Elbasanit ka bërë të ditur emrat e personave të përfshirë në aksidentin, ku humbi jetën një person dhe u plagosën katër të tjerë.
Komunikata ka bërë të ditur se mjeti Peugeot me targa AA206KN që drejtohej nga shtetasi S. S., 33 vjeç, banues në Elbasan, është përplasur me mjetin Audi me targa angleze HY 04 HYF që drejtohej nga shtetasi M.B., 58 vjeç, banues në Peqin.
Si pasojë ka gjetur vdekjen e menjëhershme shtetasi Azbi Broshka 56 vjeç, banues në Elbasan, cili ishte pasagjer në Peugeot.
Gjithashtu janë aksidentuar shtetasit:
V.Ç, 32 vjeç, banuese në Elbasan, pasagjere në mjetin tip “Peugeot”
S.S, 33 vjeç , banues në Elbasan , drejtues i mjetit “Peugeot”
M.B. 58 vjeç, banues në Peqin , drejtues i mjetit tip “Audi”
B.G. 62 vjeç, banues në Peqin , pasagjer në mjetin tip “Audi”
Të katër shtetasit u dërguan menjëherë në Spitalin Kirurgjik Elbasan për ndihmë mjekësore dhe ndodhen jashtë rrezikut për jetën.
