Në përgjigje të shkrimit me titull: “Foto/ I shtrirë në tokë pas aksidentit: Policia nuk e prek me dorë, ambulanca nuk vjen”, të botuar dje (18/10/2016) në portalin informativ online “Mapo.al” ku raportohet se “autoambulanca nuk duket gjëkundi” për t’i ardhur në ndihmë një qytetari të aksidentuar në Kodër Kamëz, sqarojmë se autoambulanca e shërbimit të urgjencës së Tiranës ka mbërritur për 10 minuta në vendngjarje pas marrjes së thirrjes.
Siç edhe mund të verifikohet fare lehtësisht nga video e regjistrimit elektronik të shërbimit të urgjencës nëpërmjet sistemit GPS të aktivitetit të lëvizjes në terren të autoambulancës “TR 9924 K Urgjenca e Tiranës”, thirrja për t’i ardhur në ndihmë personit në nevojë është marrë nga centrali i shërbimit të urgjencës mjekësore në orën 19:02 dhe autoambulanca ka mbërritur në vendngjarje për t’i ardhur në ndihmë qytetarit në fjalë në 19:12.
Pra, siç mund të shihet qartësisht, autoambulancës i janë dashur 10 minuta për të mbërritur në vendngjarje pas marrjes së thirrjes.
