Pak ditë më parë avokatja e njohur, Eni Çobani ka pësuar një aksident në urën që lidh Bujanin me qytetin e Tropojës.
Lidhur me këtë ngjarje ka reaguar dhe moderatori Ardit Gjebrea i cili shkruan se zoti nuk e mori por e la me ne, teksa shton se në këtë botë jemi thjesht kalimtarë.
Postimi i Gjebreas
“Të mendosh se çfarë aksidenti kalove @enicobani… u rrokullise disa herë me makinë – natën, borë, mbi 20 metra në fund… në përrua. E çfarë jemi? Vetëm kalimtarë në këtë botë ku shpesh na zë sytë ligësia dhe intriga, e keqja dhe thika pas shpine! Zoti nuk të mori pranë vetes këtë herë, por të la me ne e dashur Eni. Faleminderit! Ndërkohë sot në mëngjes isha në banesat e përjetshme tek prindërit e mi, e rëndësishme ishte që nuk harrova sapo ika prej aty siç ndodh rëndom dhe uroj ta kem prezent vendin e të gjithëve edhe nesër, pasnesër… Më shërben të perceptoj ndryshe, të sillem ndryshe!”
Makina e Çobanit ka dal nga rruga duke u rrokullisur disa metra poshtë rrugës. Së bashku me të, në makinën Audi Q5, ndodhej dhe ish-ministrja e Kosovës Edita Tahiri.
Mësohet se Eni Çobani ishte nisur për një seancë gjyqësore, por ky aksident mund të kishte rezultuar fatal për të dhe Tahirin.
Fatmirësisht të dyja zonjat janë jashtë rrezikut për jetën, por tronditja e këtij aksidenti ende nuk ka kaluar.
