Pas deklaratës së Partisë Demokratike që akuzonte se deputeti Aqif Rakipi ka prishur provat duke u larguar nga vendi i aksidentit, ka reaguar Policia e Shtetit.
Përmes një njoftimi dërguar mediave, Policia e Shtetit deklaron se sapo u mor njoftimi për aksidentin, u sigurua vendi i ngjarjes dhe nisën veprimet proceduariale së bashku me deputetin e PDIU që drejtonte makinën e përfshirë në aksident.
“Pavarësisht lëvizjes nga vendi i ngjarjes dhe paraqitjes në Komisariatin e Policisë të drejtuesit të automjetit, theksojmë se janë kryer të gjitha veprimet hetimore dhe proceduriale, ekzaminimet e ndryshme kriminalistike, testi i alkoolit dhe sqarimi i rrethanave të ngjarjes. Automjeti i përfshirë në ngjarje ndodhet në ambientet e Komisariatit të Policisë në gjendjen e dorëzimit menjëherë pas ngjarjes, i sekuestruar në cilësinë e provës materiale. Policia e Shtetit thekson edhe njëherë se është e do të vazhdojë të jetë garante e zbatimit të ligjit pavarësisht nga statuset apo përfaqësimet e subjekteve”, thuhet një njoftimin e Policisë së Shtetit.
Më herët, PD ngriti dyshime se ngjarja po tentohej të manipulohej dhe bëri thirrje për hetim transparentë. Deputeti i PDIU Aqif Rakipi ishte duke udhëtuar me makinë reth orës 04:51 nga Durrësi në Tiranë dhe në zonën e Vorës përplasi një kalimtar që tentoi të kalonte në anën tjetër të rrugës.
DEKLARATA E PLOTË:
Sqarim në lidhje me aksidentin e ndodhur me përfshirjen e deputetit A.R. :
” Menjëherë me marrjen e njoftimit, janë marrë masa për sigurimin e vendit të ngjarjes , dhe kryerjen e veprimeve proçeduriale me drejtuesin e automjetit të përfshirë në aksident.
Pavarësisht lëvizjes nga vendi i ngjarjes dhe paraqitjes në Komisariatin e Policisë të drejtuesit të automjetit, theksojmë se janë kryer të gjitha veprimet hetimore dhe proçeduriale, ekzaminimet e ndryshme kriminalistike , testi i alkoolit dhe sqarimi i rethanave të ngjarjes.
Automjeti i perfshirë në ngjarje , ndodhet në ambjentet e Komisariatit të Policisë në gjendjen e dorëzimit menjëherë pas ngjarjes, i sekuestruar në cilësinë e provës materiale.
Çdo veprim është kryer me korrektësi të plotë nën drejtimin e Prokurorit të Rrethit Gjyqësor Tiranë.
Policia e Shtetit thekson edhe njëherë, se është e ,do vazhdojë të jetë garante e zbatimit të ligjit pavarësisht nga statuset apo përfaqësimet e subjekteve .
a.ç
