Pesë automjete janë përfshirë në një aksident zinxhir mesditën e sotme në aksin Lushnjë – Rrogozhinë. Informacionet e para flasin për një parakalim të gabuar, që ka shkaktuar edhe karambolin masiv.
Një prej automjeteve raportohet të ketë dalë nga rruga duke përfunduar në oborrin e një shtëpie. Pjesë e përplasjes është edhe një fugon me udhëtarë, i cili ka devijuar nga rruga.
Mësohet se nga ngjarja nuk ka viktima, por dëme të shumta materiale.
