Një aksident i rëndë me pasojë vdekjen e dy fëmijëve ka ndodhur në Qerret të Kavajës gjatë orëve të pasdites të së shtunës.
Mësohet se dy fëmijët, emrat e të cilëve nuk bëhen ende me dije udhëtonin në një automjet që drejtohej nga një 24-vjeçare. Mjeti tip benz me targa AA 372 JG, i drejtuar nga shtetasja S.N. është përplasur me trafik-ndarësen duke i marrë jetën dy të miturve të moshës 3 dhe 5 vjeç.
Sipas njoftimit paraprak të policisë, bëhet me dije se në automjet udhëtonin 3 fëmijë, njëri prej të cilëve i moshës 1 vjeç ka mbijetuar dhe ndodhet jashtë rrezikut për jetën në spitalin e Durrësit.
Njoftimi paraprak i policisë:
Komisariati i Policisë Kavajë
Paraprake
Më datë 07.05.2016, rreth orës 17:20, në rrugën dytësore Golem-Kavajë, mjeti tip “Mercedes Benz”, me targë AA372JG, me drejtuese shtetasen S. N., 24 vjeç, banuese në Durrës, duke drejtuar mjetin, në të cilën ndodheshin 3 fëmijë, është përplasur me trafikndarësen, ku si pasojë kanë humbur jetën 2 fëmijë ende të paidentifikuar.
Drejtuesja e mjetit me fëmijën E. N., 1 vjeç, janë dërguar në Spitalin e Durrësit, jashtë rrezikut për jetën.
Policia she grupi hetimor në vendin e ngjarjse po kryhen hetimet për zbardhjen e plotë të aksidentit.
/a.m.
