Dy shqiptarë janë aksidentuar rëndë në Greqi me pasojë vdekjen e njërit dhe plagosjen serioze të tjetrit.
Aksidenti ndodhi në Maleme, natën duke gdhirë dita e sotme në superstradën e vjetër Chania-Kissamos.
Shqiptari që humbi jetën në Kretë, në aksidentin me motor mësohet se është 31 vjeçari nga Burreli, Kastriot Karaj, foton e të cilit e shihni në galeri.
Mediat greke raportojnë se 31 vjeçari udhëtonte me motor bashkë me shqiptarin tjetër 34 vjeç, mik i tij, identiteti i të cilit nuk bëhet ende i ditur.
Raportohet se motori ka humbur kontrollin e motorit dhe janë përplasur në trotuarin anash autostradës.
Mësohet se 31-vjeçar humbi jetën në vend, ndërsa 34-vjeçari u plagos rëndë dhe ndodhet në spitalin e Chania.
Sipas mediave helene, 34-vjeçari iu nënshtrua një operacioni, por për fat të keq mjekët duhej t’ia prisnin njërën këmbë.
/a.r
