Një aksident rrugor i ndodhur pasditen e kësaj të shtune në aksin Levan-Vlorë ka lënë katër persona të plagosur.
Dy automjete u përplasën me njëri-tjetrin rreth orës 18:15, ku njëra prej tyre ka përfunduar në kanal, ndërsa makina e dytë është përmbysur.
Të plagosurit janë dërguar në spitalin rajonal të Vlorës, ku njëri prej tyre ndodhet në gjendje të rëndë.
Në njërin automjet tip “Ford” me targë “AA 103 DV” udhëtonin dy persona, dhe dy të tjerë në makinën “Dacia” me targë “AA 471 LF”.
Grupi hetimor në vendin e ngjarjes po heton për zbardhjen e plotë të ngjarjes. /b.d
