Një aksidenti në të cilin janë përfshirë tre makina ka ndodhur pasditen e sotme në aksin rrugorë Lezhë – Shkodër, ku një person ka humbur jetën dhe 10 të tjerë janë plagosur.
Dy prej të plagosurve pritet të nisen drejt Spitalit të Traumës në Tiranë për shkak të gjendjes kritike në të cilën ata ndodhen. Viktima mësohet se është një shtetas kosovar, 38- vjeçar, emigrant në Gjermani, i cili ishte duke u kthyer për pushime pranë familjes, ndërkohë emri i tij nuk është bërë i ditur
Aksidenti mësohet se të ketë ndodhur pranë fshatit Bilisht, në kryqëzimin e Blinishtit, ndërkohë edhe qarkullimi në këtë aks rrugor është bllokuar. Policia ka shkuar në vendngjarje dhe është duke punuar për zbardhjen e shkaqeve të aksidentit dhe për të mundësuar rifillimin e lëvizjen normale të automjeteve në këtë aks rrugorë.
