Një aksident ka ndodhur mbrëmjen e djeshme në aksin Lezhë-Milot. Për pasojë ka humbur jetën një person, identiteti i të cilit ende nuk dihet. Policia sqaron se aksidenti ka ndodhur pranë kryqëzimit të Shënkollit, ku një makinë ka përplasur për vdekje një kalimtar.
Shërbimet e Policisë kanë bërë të mundur identifikimin e menjëhershëm dhe arrestimin në flagrancë të drejtuesit të mjetit, Albert Preçi 24 vjeç, banues ne Valias.
“Në rrugën automobilistike Lezhë Milot, në afërsi të Kryqëzimit të Shënkollit është njoftuar se ndodhet një shtetas i shtrirë në tokë. Menjëherë në vendngjarje kanë mbërritur shërbimet e policisë të cilët kanë konstatuar se ky shtetas ishte i aksidentuar. I përket seksit mashkull dhe akoma nuk dihet identiteti i tij”, thuhet në njoftimin e policisë. Policia po punon për të zbardhur ngjarjen e rëndë.
