Një fëmijë, vetëm 4 vjeç ka ndërruar jetë pasi është përplasur nga një furgon në aksin rrugor Klos-Burrel.
Aksidenti ndodhi pasditen e sotme, por i mituri ndërroi jetë pak orë më pas në spital.
Burime nga Spitali i Traumës konfirmojnë se i mituri u dërgua me plagë të rënda në trup dhe fatkeqësisht nuk mundi të mbijetojë.
“Në aksin rrugor Klos-Burrel, shtetasi L.D., 52 vjeç, duke drejtuar automjetin tip furgon, ka humbur kontrollin mbi drejtimin e automjetit dhe për pasojë automjeti ka dalë nga rruga duke aksidentuar një shtetas të mitur, i cili është transportuar në spital për ndihmë mjekësore”, njoftoi policia paraprakisht për njarjen.
Drejtuesi i furgonit është shoqëruar në Komisariat për veprime të mëtejshme, ndërsa grupi hetimor po punon për zbardhjen e shkaqeve dhe rrethanave të aksidentit.
