Një aksident është regjistruar këtë të mërkurë (5 gusht) në aksin Lezhë-Milot. Sipas informacioneve paraprake bëhet me dije se një automjet ka përplasur një motoçikletë dhe për pasojë drejtuesi i kësaj të fundit ka mbetur i plagosur.
Ky i fundit është dërguar për ndihmë mjekësore në Spitalin Rajonal të Lezhës.
Ndërkohë policia ka nisur hetimet për zbardhjen e shkaqeve dhe rrethanave të këtij aksidenti.
