Në aksin rrugor nacional Gjirokastër-Kakavje, pranë kthesës së Kordhocës ka ndodhur një aksident, ku është përfshirë djali i personazhit të njohur të Lazaratit, Gate Mahmutaj.
Vandam Mahmutaj mësohet se udhëtonte me mjeti tip “Wolsvagen” me targa AA090IO, dhe është përplasur me nje mjet tjetër tip “Citroen” me targa AA463CE.
Sipas policisë, nga përplasja janë dëmtuar dy pasagjerë, shtetasit A.S, 75 vjeç dhe M.S, 70 vjeçe, të cilët ndodhen në spitalin Rajonal “Omer Nishani”, jashtë rrezikut për jetën. Në vendngjarje ka shkuar grupi hetimor për zbardhjen e shkaqeve të aksidentit.
Gate Mahmutaj apo Razip Mahmutaj ishte kreu i organizatës kriminale në Lazarat që bashkë me persona të tjerë bënë rezistencë që fshati ku kultivohej masivisht kanabisi t’i kthehej policisë në 2014-ën.
Bashkë me të, ndër personat që qëllonin me armë drejt policisë që nisi një aksion në atë kohë për të marrë në dorë fshatin rebel ishte edhe djali i tij, Vandami, i arrestuar në atë kohë. /BW/b.d
