Aksident në autostradën Tiranë-Durrës, një i vdekur
Një aksident rrugor me pasojë vdekjen e një personi është verifikuar mbrëmjen e kësaj të marte në autostradën Tiranë-Durrës. Lajmin e bëjnë të ditur burime policore lokale, sipas të cilave viktima po përpiqej të kalonte në anën tjetër të rrugës, por është goditur nga një automjet në ecje e sipër.
Aksidenti ka ndodhur në hyrje të autostradës dhe uniformat blu të mbërritura në vendin e ngjarjes po hetojnë për të verifikuar nëse automjeti udhëtonte me shpejtësinë brenda normave të lejuara, apo e kishte tejkaluar atë.
Për momentin nuk dihet identiteti i viktimës, por dyshohet që ai të jetë banor i shtëpive të ndërtuara përgjatë zonave anësore të autostradës.
