Një aksident ka ndodhur në aksin Lezhë-Mamurras, me pasojë plagosjen e dy të rinjve nga fshati Gjormë.
Automjeti tip “Benz” ka dalë nga rruga duke përfunduar në kanal, ndërsa kanë mbetur të plagosur dy të rinjtë, të cilët janë dërguar për ndihmë mjekësore në spitalin e Traumës në Tiranë.
Sipas policisë se Kurbinit drejtuesi i autoveturës ishte pa leje drejtimi.
“Specialistët e Seksionit të Qarkullimit Rrugor, referuan materialet në Prokurorinë për shtetasin 17-vjeçar, banues në Gjormë, Kurbin, pasi në aksin rrugor Lezhë-Mamurras, duke drejtuar automjetin pa leje drejtimi ka humbur kontrollin mbi drejtimin e tij dhe automjeti ka dalë nga rruga.
Për pasojë u dëmtua 17-vjeçari dhe pasagjeri shtetasi O. H., 24 vjeç, të cilët janë dërguar në Spitalin e Traumës në Tiranë, jashtë rrezikut për jetën. U referua për veprën penale “Shkelje e rregullave të qarkullimit rrugor””, njoftoi policia.
