Arlind Ajeti ka arritur marrëveshjen me klubin zviceran St. Gallen, duke gjetur më në fund një skuadër pasi ishte që prej verës së kaluar një futbollist i lirë. Një lëvizje kjo shumë e rëndësishme për 22-vjeçarin, që në këtë mënyrë hipotekon edhe pjesëmarrjen e tij në europianin e vitit të ardhshëm me kombëtaren. Vendimi i fundit i përket gjithmonë De Biasit por ka qenë vetë trajneri i kuqezinjve që kishte shprehur shqetësimin e tij në lidhje me Ajetin që i duhej të gjente me çdo kusht një skuadër në merkaton e Janarit pasi mungesa e aktivizimit mund të kërcënonte seriozisht pozitat e tij në ekipin kombëtar.
Tashmë gjithçka është vendosur dhe Ajeti pritet të firmosë kontratën e re me St.Gallen për tu rikthyer në Zvicër, ku ka lindur, është rritur dhe ka luajtur që nga viti 2010 e deri në verën e kaluar te Baseli. Bie përfundimisht poshtë në këtë mënyrë pista angleze me Quens Park Rangers ku Ajeti kishte kaluar dy javë pasi me mbërritjen e një oferte nga St. Gallen mbrojtësit kuqezi nuk i është dashur shumë për të zgjedhur në vend të Championship, Superligën Zvicerane, një kampionat që e njeh mirë dhe nuk do ta ketë vështirë të integrohet shpejt në skuadrën e tij të re.
Supersport
