Pas denoncimit të 13-vjeçares nga Saranda e cila u përdhunua nga një 23-vjeçar, një tjetër e mitur është bërë viktimë e abuzimit. Bëhet fjalë për një 12-vjeçare nga Shkodra. E mitura ëhstë ngacmuar seksualisht nga kushëriri i saj, çka e bën rastin edhe më të rëndë.
Sipas policisë, autori i ngacmimit seksual është 21-vjeçari me inicialet M.D.
“Më datë 04.11.2017, u referuan materialet në Prokurorinë e Rrethit Gjyqësor Shkodër, për shtetasin M.D, vjeç 21, banues në Shkodër, pasi dyshohet se para dy muajsh, ka kryer veprime të turpshme me vajzën e dajës, 12 vjeçe, banuese në Shkodër, e cila ka bërë kallëzim. Neni 108 i Kodit Penal”, raporton policia./a.m.
