Ministri i Financave Arben Ahmetaj në një deklaratë për mediat, pas mbledhjes së Këshillit të Ministrave, ka thënë se qeveria ka vendosur që të heqë pengesën e rimbursimit të TVSH-së për eksportuesit e mallrave shqiptare. Ahmetaj, ka theksuar se, për qarkullim 50% në eksport, rimbursimi përfitohet automatikisht.
“Me rimbursim përfitojnë të gjitha biznese. Përfitojnë 2500 subjekte. Kjo është një mbështetje për eksportuesit shqiptar. Masë lehtësuese për eksportuesit e mallrave shqiptarë. Brenda 30 ditëve rirmbursim të TVSH edhe kur bizneset janë në kontroll nga Tatimet” ka thënë ai.
Sakaq, Ahmetaj ka shtuar se tanimë ekonomia shqiptare po kalon në fazën e dytë të zhvillimit, pas mbylljes së gropave që qeveria aktuale gjeti nga qeveria e kaluar.
“Ekonomia po kalon në fazën e dytë të zhvillimit të saj. Kemi mbyllur gropat që gjetëm nga qeveria e vjetër” tha ai.
