Zhvillohet sot në Tiranë Forumi i Biznesit Shqipëri-Itali.
Në këtë takim është i pranishëm edhe Kryeministri Rama dhe ministri i Financave, Arben Ahmetaj.
Në fjalën e tij, Ahmetaj tha se Shqipëria vendi i mundësive për të gjithë. “Në 20 vite Shqipëria nuk është më ajo e frikës, por është Shqipëria e mundësive për sipërmarrjen italiane. Katër vitet e fundit vendi ka kaluar në një proces të vështirë të reformave. Katër vitet e ardhshme do rritemi me një mesatare deri në 5.5 dhe të arrijmë në 6% të PPB. Performanca e eksporteve, veçanërisht ajo e shërbimeve, është tregues i rëndësishëm sa i takon pozicioni konkurrues të shqiptarëve. Eksportet e veshmbathjeve, këpucëve, janë rritur”, tha Ahmetaj.
Më tej, ai theksoi se sot Shqipëria ofron shumë mundësi për sipërmarrjen italiane. “Prezenca dhe kontributi i Italisë mbeten primare. Shqipëria është vendi me hapin më të madh kulturor drejt Italisë. Ndonëse një ekonomi e vogël, Shqipëria përfaqëson një treg interesant për investimet e huaja”, tha Ahmetaj.
