Mario Giuffredi, agjenti i Elseid Hysajt, ka konfirmuar se disa klube nga Anglia dhe Gjermania janë duke monitoruar mbrojtësin e Kombëtares shqiptare Elseid Hysaj, i cili luan si titullar te Napoli.
Ka kohë që raportohet se Manchester Unitedi e Arsenali interesohen për 23 vjeçarin shqiptar, i cili shihet si një lojtar me të ardhme të ndritur. Tashmë këtë e ka konfirmuar edhe agjenti i lojtarit, duke mos përmendur emra të klubeve.
“Disa ekipe janë duke monitoruar Hysajn, nga Anglia dhe Gjermania, por nuk kemi nevojë që të largohemi nga Napoli”, tha agjenti i lojtarit.
“Elseid po luan sezonin e dytë me Napolin dhe mendoj se mund të bëjë edhe më mirë sezonin e ardhshëm”, shtoi ai.
“Është thënë edhe më parë, Hysaj ka klauzolë në kontratë dhe nëse klubet që duan paguajnë atë, lojtari mund të largohet”, theksoi mes tjerash agjenti i Hysajt.
Hysaj ka bërë 43 paraqitje për klub dhe Kombëtare këtë sezon. /a.m.
