Agjencitë ndërkombëtare të udhëtimeve vazhdojnë t’i kushtojnë artikuj vendit tonë, duke e sugjeruar si një destinacion për t’u vizituar gjatë këtij viti, si për bukuritë e tij, ashtu edhe për sigurinë që ofron.
Një prej tyre, “Travel Cool Places”, shkruan se Shqipëria konsiderohet një destinacion i sigurtë për turistët në vitin 2026, duke përfshirë si udhëtarët familjarë, ashtu edhe ata që udhëtojnë vetëm.
Ndër të tjera, portali i udhëtimeve shkruan në artikull se shqiptarët janë mikpritës dhe vendi është bërë një nga destinacionet e udhëtimit me rritjen më të shpejtë në Evropë. Mbi të gjitha, shumica e vizitorëve përjetojnë një udhëtim të qetë, të këndshëm dhe pa probleme.
Gjithashtu, agjencia ndërkombëtare e udhëtimeve shkruan për vendin tonë se, ashtu si për çdo destinacion ndërkombëtar, edhe për Shqipërinë ekzistojnë mite se destinacionet e lira mund të jenë të pasigurta, por në realitet Shqipëria është edhe e përballueshme financiarisht, edhe mjaft e sigurt për vizitorët.
“Travel Cool Places” thekson në artikull se, nëse po planifikoni buxhetin tuaj për ushqimin dhe pushimet në Shqipëri, keni mundësi të shumta për të ndarë kostot për vaktet e ndryshme në restorante, që ofrojnë gatime të freskëta, nga më të lirat deri tek më të shtrenjtat.
Në përmbyllje të artikullit për vendin tonë, agjencia e udhëtimeve shkruan se shumë vizitorë të huaj kanë konfuzion nëse paguajnë me cash, pasi monedha kombëtare lek mund të krijojë konfuzion për shkak se përdoret termi i ri dhe i vjetër; ndaj përdorimi i euros është zgjidhja e duhur.
