Afërdita Bytyçi do ta drejtojë Gjykatën Themelore të Prishtinës në katër vjetët e ardhshëm, shkruan Koha Ditore.Ajo të martën ka fituar votat e Këshillit Gjyqësor të Kosovës për t’u vënë në krye të Themelores.
Pos Prishtinës, KGJK-ja ka votuar edhe për kryetarë të gjykatave të tjera themelore në Kosovë.
Në Gjykatën Themelore të Pejës është përzgjedhur për kryetar Kreshnik Radoniqi, kurse në atë të Prizrenit Ymer Hoxha, i cili ka qenë kryetar edhe gjatë mandatit të kaluar.
Njësoj, edhe në krye të Gjykatës Themelore të Gjakovës është përzgjedhur kryetari që ishte deri tani, Vaton Dërguti, e po ashtu edhe në Ferizaj, Bashkim Hyseni, citohet Koha. (b.an)
