Balla sot solli një fakt tjetër të rëndësishëm që komisoni hetimor parlamentar për këtë çështje ka konstatuar në raportin e tij. Konsulenti i Sali Berishës dhe Shkëlzenit, Nue Nik Kalaj është pa shkollë të lartë. E ky i pashkollë, sipas Ballës, ka marrë për një ditë të vetme konsulence 6.8 mln euro. Ndërkohë që institucionet më prestigjoze të konsulencës, IFC dhe Banka Botërore kanë marrë vetëm 550 mijë euro. pra disa herë më shumë se çmimi i konsulentit të Saliut dhe Shkëlzenit. Sipas Ballës prokuroria në gjithë këtë aferë nuk ka hetuar asgjë, por ka zgjedhur ta mbyll në heshtje një prej aferave më të mëdha të korrupsionit të funksionarëve të lartë shtetëror.
Fjala e Ballës:
Kuvendi i Shqipërisë në seancë plenare ka miratuar në mars të këtij viti raportin e një komisioni hetimor, me 74 vota pro, në një prezencë normale të punimeve të Kuvendit.
Në atë raportin e përfundimtar të komisionit, si rrallë herë kur komisionet hetimore në Shqipëri e përmbylin punën e tyre, iu kërkua Prokurorisë së Përgjithshme dhe Prokurorit të Përgjithshëm, fillimi i procedimit penal për individë, që për shkak të posteve të tyre publike kishin ushtruar ndikim të paligjshëm, shpërdorim detyre në dëm të interesave të Shqipërisë dhe shqitparëve.
Si ka mundësi që ne ende sot kemi prokurorë që cojnë ndërmend që në Shqipërisë e 2017-tës, që po bëhemi gati të hyjmë në 2018, mund të mbyllet një aferë kaq të madhe korruptive pa bërë një qoftë edhe një hetim minimal. në atë dosje të tmerrshme korrupsioni flitet sesi një individ në një ditë për diell paradite paraqitet në një derë banke, merr 6.8 mln euro, rastësia e ka bërë ndoshta që ishte dy javë para zgjedhjeve të qershorit të 2009-tës, rastësi ka qenë ndoshta, që i mori këto 6.8 mln euro si këmbim i asistencës, konsulencës që ky zotëria që nuk kishte universitet, nuk dimë ka mbaruar shkollën e mesme apo jo se nuk e dimë ku është ky zotëria.
Ky na paskësh qenë konsulenti kryesor nëpërmjet kompanisë CEZ dhe qeverisë shqitpare për privatizimin e OSSH. Ky pashkollësi, ky konsulenti na paskësh marrë më shumë para sesa vet IFC dhe Banka Botërore që bënin konsulencën e këtij procesi. ky mori 6.8 mln euro në një ditë, IFC dhe Banka Botërore si fi konsulence kanë marrë 550 mijë euro. po ccishte kjo konsulencë?!
E dini se ç’thotë prokuroria e vendit tonë dhe e të gjithë shqiptarëve?
