Tabloidi britanik Daily Mail i ka kushtuar një shkrim të gjatë skandalit të Partisë Demokratike me firmat e lobimit. Ajo shkruan se Demokratët edhe pse pësuan një humbje dërrmuese në zgjedhjet e 25 qershorit, u përfshinë në një skemë informale lobimi për të siguruar takime apo mbështetje false nga administrate e presidentit amerikan Donald Trump.
Media më e lexuar online në botë, nënvizon se Prokuroria e Tiranës ka filluar një hetim mbi paratë që Partia Demokratike ka përdorur për lobim në Shtetet e Bashkuara. Më tej informohet se prokuroria ka kërkuar nga Komisioni Qendror i Zgjedhjeve që të shpjegojë deklaratën informale prej $ 675,000 (570,000 euro) nëpërmjet kompanive of-shore.
Më tej Daily Mail citon edhe liderin e demokratëve Lulzim Basha i cili në kundërshtim me faktet insiston se partia e tij ka deklaruar gjithçka në mënyrë korrekte. “Partia Demokratike nuk ka asgjë për të fshehur,” tha ai ndërsa fliste në parlament.
“Demokratët pësuan një humbje dërrmuese në votimin e zgjedhjeve të 25 qershorit duke siguruar vetëm 43 vende në parlamentin me 140 vende. Socialistët fituan një shumicë të qartë me 74 vende,” mbyll shkrimin Daily Mail.
