Rama ndodhet në Kukës në kuadër të takimit “Bashkia që duam” dhe nënvizoi se jemi në moment të ndryshimit të madh që kërkon të shoqërohet për ndryshim në bashki.
Nga Kukësi Rama nuk ka lënë ngacmuar edhe pak vlonjatët, teksa u ka premtuar se edhe ata do të kenë aeroportin ashtu si u është premtuar.
Kryeministri shtoi se shumë shpejt djemtë e Kukësit që punojnë e jetojnë në Londër do të mund të vijnë me më pak paund në vendlindje.
Disa mund të vijnë edhe për protesta tha Rama, por se kjo s’ka rëndësi.
“Kur shkoj në Vlorë, acarohen kuksianët. Kur vij këtu acarohen ata, por ne do t’i bëjmë të dyja aeroportet. Aeroporti këtu do të jetë një aeroport për fluturime Loë Coast. Vendi është shumë strategjik, përmbledh një pellg shqiptarësh këtej dhe andej kufrit dhe i jep mundësi çunave të Londrës të vijnë me shumë pak paund këtu. Shumica do vijnë për punë e halle, ka edhe ca që do vijnë për protesta, por s’ka rëndësi. Punimet civile këtu do të përfundojnë brenda një viti”,- u shpreh kryeminsitri.
“Së shpejti do të bëjmë edhe të tretin në radhë që është Vlora, se jam i bindur se aty në Facebook, kanë filluar vlonjatat të acarohen, se kur shkoj në Vlorë acarohen kuksianët, por ne do ti bëjmë të dyja. Çunave të Kukësit nga Londra ky aeroport do tu japë mundësinë të vijnë me shumë pak paund dhe shumica do të vijnë për punë e festa, ca edhe për protesta, por nuk ka rëndësi do vijnë, nuk kemi ca bëjmë, ajo që është e rëndësishme është që ne e nisim sot këtë punë, për përfundimin e punimeve për një vit e pastaj për certifikimet e nevojshme që të nisin fluturimet”- tha Rama, duke shtuar se do të ketë 300 mijë pasagjerë në vitin e parë për të shkuar në 1 mln pasagjerë në vit.
g.kosovari
