Policia e Durrësit njofton se ka nisur hetimet për gjetjen e një vajze 14-vjeçare, e cila është larguar nga shtëpia e saj tri muaj më parë.
Në komisariatin e policisë së Durrësit, një ditë më parë është paraqitur nëna e saj, shtetësja Sh.O. 52 vjeçe, duke ngritur një kallëzim për largimin e së bijës.
Sipas saj, 14-vjeçarja B.O. është larguar para 3 muajsh. Nuk jepen më tepër detaje, se përse nëna e saj vendosi që ta denoncojë ngjarjen pas një kohe kaq të gjatë.
Ndërkohë që po punohet për gjetjen e saj, materialet i kaluan Prokurorisë së Rrethit Gjyqësor Durrës për veprime të mëtejshme.
a.ç
