Kilian Mbape ka treguar disa herë se është një ndër lojtarët më të mirë në botë dhe jo më kot, PSG-ja pagoi plot 160 milionë euro për shërbimet e tij edhe pse ai është vetëm 19 vjeç.
Golin e parë në një Kupë Bote, Mbape e shënoi ndaj Perusë, duke u bërë kështu lojatri më i ri që shënon gol për Francën në një Botëror pas Trezeges.
Me dy golat e shënuar sot ndaj Argjentinës, Mbape ka arritur rekordin e Peles, duke qenë futbollisti i dytë adoleshent, që shënon një dygolësh në një Botëror.
Pele e bënte këtë në vitin 1958, duke shënuar 2 gola në finalen e Botërorit ndaj Suedisë, aty ku Brazili fitonte me rezultatin e thellë 5-2. /b.d
