Pamja e një familjeje prej gjashtë personash, që jetonte në një shtëpi thuajse të rrënuar, me vetëm dy dhoma, pa kuzhinë e banjo, ka qenë tronditëse për Admir Mehmedin. Por sulmuesi nuk ka ndenjur gjatë i shtangur, pasi ka vendosur të lëvizë menjëherë. Ai i ka ndërtuar një shtëpi të re familjes nga Padalishti i Maqedonisë.
Lajmin e ka bërë të ditur tabloidi zviceran Blick, ndërkohë që vetë lojtari e ka mbajtur sekret. Një sekret që nuk mund të ruhej dhe ngjarja është bërë e njohur nga të gjithë.
Gjatë vizitës në Padalisht, fshat maqedonas në rajonin e Gorstivarit, ku i ati i lojtarit ka jetuar deri më 1983, Mehmedi u njoh me familjen Mustafi, e cila jetonte në shtëpinë e vjetër.
“Më preku jashtë mase”, tha lojtari i intervistuar nga Globi TV. E kështu vendosi t’u dhuronte një shtëpi. Babai u mor me detajet, ndërsa Admir financoi ndërtimin. Shifra mbetet sekret, ndërkohë që thotë se shtëpia do të jetë gati për 2-3 javë.
“Unë jam me fat për atë që kam dhe dua të ndihmoj edhe të tjerë për të jetuar mirë”, thotë Mehmedi.
d.i.
