Ngjarja e rëndë sot në Divjakë, ku mësuesi 62-vjeçar Demir Hoxha është arrestuar pas denoncimit se ka përdhunuar sistematikisht nxënësen e tij të mitur, tronditi banorët e kësaj zone. Po kaq tronditëse janë edhe dëshmitë, ku një e afërme e të miturës së abuzuar nga mësuesi 62-vjeçar ka rrëfyer për News24 të tjera detaje tragjike të kësaj ngjarjeje.
Jetmira Kishto tha se nga rrëfimi që 12-vjeçarja ka bërë para nënës së saj ka treguar se abuzimi ndodhte në mëngjes në orën 7:30, ndërsa rasti më i fundit kishte ndodhur para 5 ditësh, në datë 29.
“Vajza i tregoi të ëmës për abuzimin. Abuzimi ndodhte në mëngjes në orën 07:30. Abuzimi i fundit ndodhi këtë të premte në klasë. Gjithçka ndodhte në klasën ku bëhej mësim”, ka treguar e afërmja.
