Gjykata e Shkallës së Parë Gjirokastër ka gjykuar të drejtë arrestimin e Isi Pashos, Kristian Priftit dhe Pajtim Bakes, ky i fundit punonjës policie dhe njëkohësisht njerku i 16-vjeçares S.K. nga Këlcyra, e cila dyshohet se është abuzuar seksualisht për tre vite rresht.
Fillimisht ka qenë prokurorja Denisa Plaku ajo që ka paraqitur provat e deritashme të ofruara nga OPGJ dhe AMP për personat e arrestuar duke shtjelluar dhe argumentuar rolin e tre personave në këtë ngjarje. Në bazë të dëshmive të dhëna në polici dhe në bazë të komunikimeve në celular mes të miturës dhe personave të përfshirë në këtë ngjarje sidomos me Artur Ago, polic i arratisur fill pas plasjes së këtij skandali, bëhet e qartë se personat që janë arrestuar kanë konsumuar veprat penale të ngacmimit seksual më të mitur dhe kanosje.
Nga ana tjetër, avokatët mbrojtës të tre të pandehurve, kërkuan masë më të lehtë për klientët e tyre pasi nuk përbëjnë rrezikshmëri të lartë shoqërore.
Pas gjithë pretendimeve të avokatëve mbrojtës, në fund gjykatësja e çështjes Nertila Përralla ka vendosur arrest në burg për Isi Pashon, Kristian Priftin dhe njerkun e 16-vjeçares, policin Pajtim Baka, ndërkohë që e njëjta masë është dhënë në mungesë edhe për Artur Agon
