• Kontakt
  • Kreu
  • Rreth Nesh
Monday, November 9, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Abuzimet në Ministrinë e Drejtësisë, Prokuroria thërret Manjanin dhe Vasilin

by Java News
20/02/2019 14:31
Shperndaj ne FacebookShperndaj ne Twitter

Dy ish-ministrat e Drejtësisë nga radhët e LSI, Ylli Manjani dhe Petrit Vasili, janë thërritur zyrtarisht nga Prokuroria lidhur me hetimet për abuzimet me tenderat e Ministrisë së Drejtësisë.

Burime për mediat shtojnë se Vasili duhej të ishte paraqitur në orën 14:00 në dyert e organit të akuzës, por prezenca e tij nuk është parë.

Kujtojmë se disa javë më parë, u vunë nën masë sigurie, 11 zyrtarë të Ministrisë së Drejtësisë, pasi dyshimeve për abuzim me 5 tenderë të dhënë në periudhën 2016-2017.

Kallëzimi penal është bërë nga Ministria e Financave, pas auditit financiar ë kryer. Përveç Manjanit, Prokuroria pritet të marrë edhe dëshminë e Petrit Vasilit dhe Gazmend Bardhit, ndërsa është duke u verifikuar përgjegjësia e tyre.

AKUZAT

Ndaj zyrtarëve dhe ish-zyrtarëve të Ministrisë së Drejtësisë kishte nisur prej muajsh një hetim, i cili u finalizua ditën e martë me caktimin e masave të sigurisë për 12 ish zyrtarët. Ndërsa disa prej tyre ishin thirrur pak kohë më parë për t’u marrë në pyetje.

Mësohet se njëri nga të arrestuarit, drejtori i Shërbimeve Ekonomike dhe Mbështetëse në këtë ministri, Aurel Lamçe, që njëkohësisht ishte i komanduar edhe si sekretar i përgjithshëm, është shoqëruar mbrëmjen e së martës nga oficerët e Antikrimit Ekonomik.

Ai ndodhej në një lokal në afërsi të Tregut Elektrik, kur u ndalua në zbatim të urdhrit të Prokurorisë.

Nën masë sigurimi “Arrest shtëpie” është dhe ish-sekretarja e përgjithshme e Ministrisë së Drejtësisë, Juliana Hoxha. Ndërkohë, në burg janë edhe dy ekspertë të IT, Lysien Ali dhe Arlind Alika.

RAPORTI DHE SHKELJET

Hetimi është kryer për 5 tenderë, ndërsa nga raporti i inspektimit financiar që disponon gazeta “Panorama”, renditen një sërë shkeljesh të kryera nga institucioni dhe kompanitë private, të cilat kanë dalë fituese në tenderë. Kështu, referuar raportit për tenderin “Përmirësimi i sistemit të mbikëqyrjes elektronike në fushën penale”, është konstatuar se në lidhje me hartimin e specifikimeve teknike dhe llogaritjen e fondit limit, nuk rezulton të jetë ngritur grup pune për të bërë vlerësimin. “Nuk argumentohet dhe nuk dokumentohet përgatitja e tyre, e parashikuar në ligj”, shkruhet në raport.

Gjithashtu, sipas raportit, edhe urdhri i prokurimit ka dalë në kundërshtim me nenin 60 “Urdhri i Prokurimit”, të VKM-së “Për miratimin e rregullave të prokurimit publik”, sepse duke qenë kontratë shumëvjeçare, nuk përmban fondin e llogaritur të vitit buxhetor. Një tjetër shkelje e konstatuar në raport është vendosja e znj.Marsuela Aliaj, me detyrë funksionale përgjegjëse e sektorit të prokurimeve, në rolin e anëtarit të KVO.

Referuar të dhënave të raportit, kjo është në kundërshtim më përcaktimet e nenit 58 të VKM Nr. 914/2014 “Për miratimin e rregullave të prokurimit publik”, ku parashikohet: “Komisioni i vlerësimit të ofertave nuk kryen asnjë veprim tjetër, përveç atyre të përcaktuara shprehimisht në këto rregulla”.

Ndërkohë, Njësia e Prokurimit ka filluar procedurat zyrtare të prokurimit, pa pasur më parë një miratim të Degës së Thesarit në lidhje me fondet e disponueshme, duke e anashkaluar këtë kontroll, pasi urdhri i prokurimit është hartuar me vlerë më të lartë se fondi në dispozicion. “Investimi i kryer nga Ministria e Drejtësisë për kontratën “Përmirësimi i Sistemit të Mbikëqyrjes elektronike në fushën penale” nuk e ka realizuar objektivin dhe qëllimin për të cilin projekti u implementua, duke krijuar efekte financiare negative, me pasojë krijimin e dëmit ekonomik në vlerën 150.000.000 lekë, të përfituar padrejtësisht nga kontraktorët zbatues”, përfundon raporti për këtë tender.

SISTEMI ICMIS

Në lidhje me tenderin “Mirëmbajtje dhe Zhvillim i Sistemit ICMIS (Gjykatave Administrative), sipas raportit, fondi limit i vendosur në urdhrin e prokurimit në vlerën 12 405 400 lekë (pa TVSH), është i paanalizuar, i paargumentuar dhe i pavlerësuar. “Po t’i referohemi llogaritjes së mesatares së tri ofertave me vlerë më të ulët, fondi limit do të rezultonte në vlerën 8 582 497 lekë, pra më i ulët.

Duke mos bërë një proces të tillë vlerësimi dhe mirëargumentimi të fondit limit, duke marrë në konsideratë ofertat e paraqitura, eksperiencën e kontratave të ngjashme dhe ofertat e tregut të marra për këtë procedurë prokurimi, fondi limit nuk do të rezultonte në vlerën e publikuar në shumën 12 405 400 lekë, por në vlerën 8 582 494 lekë dhe 10 298 992 lekë”, argumentohet në raport. Pra, si rezultat, mosanalizimi i elementëve të sipërcituar ka rritur në mënyrë fiktive vlerën e fondit limit të prokuruar, në shumën 3 822 906 lekë në kundërshtim me ligjin.

Një tjetër shkelje në lidhje me këtë tender është edhe fakti se kontratës i mungon ajo që konsiderohet si “MARRËVESHJE NIVELI SHERBIMI-SLA”, e cila është ofrimi i shërbimit të mirëmbajtjes dhe asistencës teknike autoritetit kontraktor nga kontraktuesi. Lidhja e kësaj kontrate është e parashikuar nga VKM nr. 710, “Për krijimin dhe funksionimin e sistemeve të ruajtjes së informacionit, vazhdueshmeriss së punss dhe marrëveshjeve te nivelit te shërbimit”.

E.Xh./

Next Post
“Po bën dialog të fshehtë me Serbinë”, Haradinaj akuza Mogherinit

"Po bën dialog të fshehtë me Serbinë", Haradinaj akuza Mogherinit

Leave a Reply Cancel reply

Your email address will not be published. Required fields are marked *

TË FUNDIT

Universitetet ankohen ndaj qeverisë, duan më shumë financime! Mazhoranca: Këtë vit buxheti për arsimin e lartë është më i madh!

Universitetet ankohen ndaj qeverisë, duan më shumë financime! Mazhoranca: Këtë vit buxheti për arsimin e lartë është më i madh!

November 9, 2026
Alarm pranë Shtëpisë së Bardhë, një makinë përplaset me barrierat mbrojtëse, arrestohen dy persona! Zv/presidenti Vance…

Alarm pranë Shtëpisë së Bardhë, një makinë përplaset me barrierat mbrojtëse, arrestohen dy persona! Zv/presidenti Vance…

November 9, 2026
Trump paralajmëron ndryshime territoriale në Ukrainë, Kremlini: Realiteti në terren ka ndryshuar!

Trump paralajmëron ndryshime territoriale në Ukrainë, Kremlini: Realiteti në terren ka ndryshuar!

November 9, 2026
“Zgjedhorja” në ngërç, PD e bllokon me veto, PS do propozimet! Bylybashi: Të ndajmë partinë nga shteti! Gjiknuri: Keni prioritete të tjera politike

“Zgjedhorja” në ngërç, PD e bllokon me veto, PS do propozimet! Bylybashi: Të ndajmë partinë nga shteti! Gjiknuri: Keni prioritete të tjera politike

November 9, 2026
Gjendja e Unionit, pesë përfundimet kryesore nga fjalimi i Ursula von der Leyen -

BE-ja do të marrë pjesë në bisedimet për Ukrainën në Abu Dhabi, Von der Leyen konfirmon praninë e delegacionit evropian!

November 9, 2026
Buxheti 2027, vetëm 1,1 mld lekë më shumë për Bujqësinë, fondet arrijnë në 17,9 mld lekë! Zbardhen diskutimet në Komision

Buxheti 2027, vetëm 1,1 mld lekë më shumë për Bujqësinë, fondet arrijnë në 17,9 mld lekë! Zbardhen diskutimet në Komision

November 9, 2026
Bandat e drogës në Francë rekrutojnë fëmijë për të vrarë, adoleshentët joshen me para dhe përfundojnë në rrjetin e mafias!

Bandat e drogës në Francë rekrutojnë fëmijë për të vrarë, adoleshentët joshen me para dhe përfundojnë në rrjetin e mafias!

November 9, 2026
“Bizneset po ndiejnë pasojat, rritja do të jetë më e ulët”- Ibrahimaj në Komision: Protestat e dhunshme e ngadalësojnë ekonominë!

“Bizneset po ndiejnë pasojat, rritja do të jetë më e ulët”- Ibrahimaj në Komision: Protestat e dhunshme e ngadalësojnë ekonominë!

November 9, 2026
Shtyhet përsëri gjyqi i Veliajt në GJKKO, shkak bojkoti i avokatëve mbrojtës

“Veliaj duhet të operohet urgjentisht”- Avokati Ndreca letër Burgjeve dhe Ministrisë së Shëndetësisë: Nuk kemi informacion për ekzaminimet mjekësore

November 9, 2026
Tentuan të korruptonin policët pasi u kapën duke drejtuar mjetin nën efektin e alkoolit, procedohen dy persona në Durrës!

Tentuan të korruptonin policët pasi u kapën duke drejtuar mjetin nën efektin e alkoolit, procedohen dy persona në Durrës!

November 9, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In