Gazetari dhe moderatori Arbër Hitaj duke folur në emisionin Open në News 24, deklaroi se nuk i duket aspak normale kur që në faqen e parë të dosjes së Veliajt, prokurori Olsi Dado bën një gabim për kryetarin e Bashkisë së Tiranës, Erion Veliaj dhe më pas thotë se ishte lapsus.
“Unë e mbështes SPAK-un, por kur futesh dhe studion dosjen shikon një amatorizëm të dosjes. Që në faqen e parë Olsi Dado e quan Veliaj të “dënuar” dhe në seancë thotë lapsus, pastaj thotë më fal. Thote se Veliaj ka qenë në një çarter në vitin 2004 me biznesmenin Gentian Sula, kur ka qenë 24 vjeç, dhe i paska thënë Gentian Sulës që kur të bëhem unë krybashkiak do të jap leje ndertimi: kjo është absurde!”, u shpreh Hitaj.
