Roman Abramovich ka konfirmuar se ka vendosur që ta shes klubin e futbollit Chelsea.
Chelsea është kampion në fuqi i Ligës së Kampionëve dhe njëri prej klubeve më të mëdha në botë.
Përmes një komunikate të lëshuar në faqen zyrtare të Chelseat, Abramovich ka thënë se ky vendim është në të mirë të klubit.
“Do të doja t’iu adresohem spekulimeve në media të ditëve të fundit në lidhje me pronësinë time të Chelsea FDC.
Siç e kam thënë më parë, gjithmonë kam marrë vendime në interesin më të mirë të klubit.
Në situatën aktuale kam vendosur ta shes klubin, pasi besoj se kjo është në interesin më të mirë të klubit, tifozëve, punonjësve si dhe sponsorëve dhe partnerëve të klubit”, ka shkruar Abramovich.
Nën drejtimin e tij Chelsea është shndërruar në superfuqi futbolli.
Abramovich është nga Rusia dhe presioni ndaj tij për të hequr dorë nga klubi ishte i madh. Presioni ka nisur pasi Rusia nisi pushtimin e Ukrainës.
/a.r
