Kryeministri i Japonisë, Shinzo Abe u bë udhëheqësi i parë japonez që viziton Kubën, njoftoi media lokale. Abe u takua me presidentin kuban, Raul Castro dhe diskutuan marrëdhëniet ekonomike-tregtare mes dy vendeve.
“Kompanitë japoneze janë të interesuara të investojnë në Kubë”, tha Abe për gazetën e partisë komuniste kubane ”Granma”.
“Unë besoj se ata mund të jenë një kontribut në Kubë, vend i cili aktualisht po përditëson modelin e tij ekonomiko-social”, theksoi Abe.
Kuba po bëhet e aksesueshme për investimet e huaja dhe për tregti, por ekonomia e ishullit të Karaibeve ende është e centralizuar nga qeveria komuniste.
Në 10 vitet e fundit, reformat ekonomike të Raul Kastros janë përqëndruar në ndërhyrjen e shtetit në fusha strategjike të tilla si turizmi, industria dhe kërkimit shkencor.
Kuba po kërkon partnerë të rinj ekonomik duke qenë se aleatja e saj kryesore, Venezuela është fokusuar në problemet e mëdha të brendshme dhe ekonomike.
Në vitin 2014, Shtetet e Bashkuara të Amerikës dhe Kuba njoftuan rivendosjen e marrëdhënieve diplomatike pas 50 vitesh shkëputje, përgatiti Koha. (b.an)
