Aleanca për Ardhmërinë dhe Nisma për Kosovën, një ditë pas protestës së mbajtur në kryeqytet, kanë paralajmëruar vazhdimin e kundërshtimit ndaj Marrëveshjes për demarkacion me Malin e Zi dhe Marrëveshjes për themelimin e Asociacionit të komunave me shumicë serbe.
Por Qeveria e drejtuar nga Isa Mustafa nuk e ka ndërmend të ndryshojë pozicion dhe t’u përgjigjet kërkesave të opozitës, të proklamuara tash e disa muaj, shkruan Koha Ditore”.
Edhe pa subjektin më të madh opozitar, protestës së organizuar nga AAK dhe Nisma iu përgjigjën mijëra qytetarë. Prej aty u tha se Qeveria aktuale ka humbur legjitimitetin dhe se rrugëdalja nga kriza janë zgjedhjet e parakohshme. (b.an)
