Kryetari i grupit palramentar të PD Edmond Spaho ka analizuar situatën politike në vend si dhe aksionin e ri të pakicës politike me mosbindje civile.
Në studion e emisionit “Real Story”, foli edhe lidhur me hapat e mëtejshëm të opozitës. I pyetur nëse do të ketë bojkot të Parlamentit, ai tha se mbetet një opsion por për momentin nuk ka një vendim të tillë nga opozita.
“Gjatë mosbindjes civile do të jemi në parlament, në seancat plenare, qoftë edhe në ndonjë komision. Kjo nuk do të thotë që në të ardhmen, nëse situata eskalon, të mos shkojmë edhe në bojkot parlamentar”, deklaroi Spaho.
Lidhur me thirrjet për mospagim taksash, ai deklaroi se populli gjendet përballë një situatë kur arroganca e pushtetit nuk shqetësohet për hallet e tyre. Ai tha se njerëzit gjejnë rrugë të ndryshme kur nuk dëgjohen nga opozita.
Rruga e zgjidhjes a është mospagimi i taksave? Njerëzit kanë nevojë të dëgjohen, kur ndodhen në vështirësi, kur kanë një hall, një situatë ekonomike të papërshtatshme. Për fat të keq këtu nuk dëgjohen. Njerëzit e ndjejnë që nuk dëgjohen dhe janë të detyruar të ndjekin çdo rrugë. E patë që kryeministri reagoi? Tha më fal se kam gabuar. Pse nuk reagoi më parë? Kuptoi se po i rrezikohet pushteti dhe bëri sikur i dëgjoi”, tha Spaho.
Spaho shpjegoi pse opozita është kundër tarifës në Rrugën e Kombit.
“Rruga e Kombit, edhe sikur të ishim me sistemin me tolle, për mirëmbajtjen, do të isha të mos vendosej, sepse ajo rrugë lidh Kosovën me Shqipërinë. I vetmi instrumetn që na bashkon është Rruga e Kombit, dhe ne reptnedojmë të ngremë një ekonomi të unifikuar. 120 milionë euro mblidhen nga taksa e qarkullimit për mirëmbajtjen. Nuk mund të marësh nga të dyja anët”, deklaroi Spaho./a.m.
