Instituti i Shëndetit Publik (ISHP) jep këshilla dhe sugjerime për pyetje nga më të zakonshmet që mund t’u lindin qytetarëve të shqetësuar nga përhapja e koronavirusit COVID-19.
Meqenëse edhe shumë qytetarë shqiptarë janë dashamirës ndaj kafshëve të buta shtëpiake dhe i mbajnë në banesa, ISHP informon se nuk ka prova për infektim me koronavirus nga këto kafshë. Këshillohet që pas prekjes së tyre të lahen duart mirë me sapun e ujë të rrjedhshëm, sepse kjo mbron të dyja palët nga bakteret.
Hetimet e hollësishme kanë zbuluar se, në Kinë në 2002, SARS-CoV u transmetua nga macet te njerëzit dhe në vitin 2012 në Arabinë Saudite, MERS-CoV nga gamilet te njerëzit. Njihen shumë koronaviruse që qarkullojnë te kafshët, por që ende nuk kanë infektuar njerëzit. Ndërsa sistemi i survejancës përmirësohet në të gjithë botën, ka të ngjarë të identifikohen më shumë koronaviruse. Burimi i kafshëve të koronavirusit të ri nuk është identifikuar ende. Supozohet se rastet e para njerëzore në Kinë rrjedhin nga një burim shtazor.
