Kryeministri Edi Rama i ftuar në emisionin e gazetares Ilva Tare ne “Ora News”, teksa foli per negociatat dhe vendimin e qershorit te Parlamentit Evropian, tha se eshte i bindur se Shqiperia do i hape negociatat, teksa ka sqaruar pozicionin e disa vendeve anetare te BE qe jane skeptike.
“Tani topi është në fushën e politikës se janë vendet anëtare që duhet të mbështesin rekomandimin. Duhet të kemi parasysh se në vend të ndryshme anëtare ka një frymë që s’është fryma e përpara disa viteve me zgjerimin dhe vendimmarrësve u duhet të hasin dhe administrojë edhe rezistenca të brendshem që s’janë të papërfillshme.
Ne kemi në dorë të trokasim në cdo derë që është e nevojshme të hyjmë për të dhënë shpjegimet tona si dhe për të këmbyer opinione, se ka një moment spekulimi”.
Keni nje listë të vendeve që u kanë thënë jo?
Rama: S’kemi asnjë vend që ka thënë jo por ne dimë që ka vende ku ka një debat.
Psh në Gjermani ka një debat, edhe për faktin se është një vend ku procedura kalon nga Parlamenti. Ndërkohë edhe në Francë ka një lloj tensioni të brendshëm që lidhet me fuqizimin e forcave antievropiane dhe me presionin që ato ushtrojnë për zgjerimin.
Ne jemi në punë përditë, s’është thjesht cështje takimesh, është edhe cështje kontaktesh përmes të tretëve, telëefonatash.
Në vazhdimësi kam pasur kontakte me Pallatin e Elizesë dhe me eksponentë të lartë të Presidencës franceze.
Kam besim se do i hapim negociatat, do jetë deri në fund një përpjekje jo e lehtë, por jam besimplotë se raporti i progresit që shoqëron rekomandimin është shumë i qartë, pra për këtë fazë.
Hollanda, flitet se keni pasur nje debat me kryeministrin hollandez?
Rama: Marrëdhënien e kemi shumë miqësore dhe mund t’ja lejojmë vetes që mund të bëjmë debat, me kedo xhanem. Thelbi i debatit ka qene qe ne ne kete moment nuk flasim për procesin e anëtarësimit sot, e nëse flasim për probleme, patjetër që ka probleme sepse nëse s’do i kishte Shqiperia tani do ishte vend anëtar.
S’preferoj të bëj komente se shtrembërohen por në të gjitha vendet anëtare cka thuhet lidhur me ne në këtë fazë është alibi që lidhet me dinamikën e tyre të brendshme./a.m.
