Nga Artur Ajazi
Gjithmonë prania e agjenturave të huaja në vendet në zhvillim dhe me demokraci të brishtë, mbetet evidente. Personalisht nuk e përjashtoj praninë e tyre, dorën e tyre, dhe ndikimin e tyre, edhe në ngjarjet e fundit me rrugët, urat, tunelet, etj. Padyshim dikush do të thotë “po justifikon Ballukun, Ramën, apo dikë tjeter”. Aspak. Por një serial ngjarjesh të tilla, dhe pikërisht në infrastrukture, bllokime aksesh, rrëshqitje, plasaritje rrugësh, urash, tunelesh, dhe të mendosh se janë investime madhore, të reja, dhe të ndertuara dhe përfunduara me teknologji bashkohore.
Pajisjet e punimeve ndertuese, janë gjithashtu bashkohore. Punimet e kryera (dhe nuk e përjashtoj abuzimin dhe korrupsionin) kanë patur mbi krye, vazhdimisht ministrat, drejtorët, dhe specialistët e ARRSH. Ne kemi qenë dhe jemi gjithmonë “mosbesues” kur bie fjala tek “dora e zezë e agjenturave të huaja në strukturat dhe sektorët delikatë të ndertimit të demokracisë dhe infrastrukturës së vendit”. Por kur e kemi pësuar, e besojmë. Ne harrojmë xhelozinë e fqinjëve, ambicjen dhe dashakeqësinë e tyre. Harrojmë se, kemi qindra shekuj që bashkejetojmë me ata, por gjithmonë duke qenë në trysninë ekonomike dhe ushtarake të tyre. Historia na e shpjegon fare mire këtë grupim faktesh.
Nuk ka mundësi kurrë, që në 172 orë, të rrëshqasin akset rrugore, të dalin “defektet” e unazës së qyteteve, urave, tuneleve, dhe të rrezikohet jeta e shqiptareve. Nuk ka kurrë mundësi (zero shanse) që në 172 orë, të vijnë lajme nga krejt Jugu i Shqiperisë, për çarje rrugësh, rrëshqitje dherash, krisje tunelesh, etjjjjjj. Në rast se deri sot, Shërbimet Sekrete Shqiptare nuk kanë nisur hetimet, mendoj se kanë gabuar. Korrupsioni ? Natyrisht edhe ai mbetet evident, dhe do hetuar, por një situate kaq dramatike, e menjëhershme në shumë qytete dhe zona ku është investuar, mbetet krejt e pabesueshme nga një njeri normal. Puna dhe veprimtaria e agjenturave të huaja, nis e studiuar mirë, pa nxitim, duke pergatitur “mirë e mirë terrenin”, dhe aksioni i tyre, nis jo furishëm, por me kujdes duke goditur “pikat e dobëta”, fjala vjen, duke nisur tek materialet ndertimore, (cilësia e tyre) dhe duke vazhduar me veprime të tjera, të cilat sjellin produktin e tyre.
Shqiperia është sot një vend i stërhapur, ku hyjnë e dalin të zinj, të kuq, të verdhë, që besoj nuk e kanë fare, nga Sherbimi ynë Sekret, monitorimin dhe kontrollin e duhur. Duke mos përjashtuar fenomenin e korrupsionit, besoj se, një ndër teoritë dhe jo hamendësitë, që nuk duhet përjashtuar (dhe është detyrë e shtetit dhe organeve hetimore të thonë fjalën e tyre) edhe në situatën e fundit që po kalon vendi me shkaterrimin e investimeve zinxhirë në infrastrukturë, mbetet edhe puna e agjenturave të huaja. Gjithmonë ka patur sabotatorë, gjithmonë ka patur të shitur, të blerë, dhe inatçorë ndaj shqiptarëre. I kemi “gjiton”, por edhe më larg se aq.
