Në 70 vitet e fundit për ta është folur aq shumë, por në të gjitha rastet informacionet kanë qenë jo të plota. Materiale të filmuara, fotografi të shkrepura, dëshmi gojore, të gjitha flasin për objekte që fluturojnë në mënyrë të çuditshme dhe që sipas logjikës tokësore janë të ndërtuara nga qenie inteligjente jashtëtokësore
Për dekada të tëra, baza 51 e Forcave Ajrore të Nevadës ka përfaqësuar syrin e një stuhie konspirative që rrotullohet rreth “provave” se alienët (dhe teknologjia e tyre) ekzistojnë dhe fshihen pas mureve të saj. Librat, shfaqjet televizive, madje edhe “sulmet” masive në internet janë përpjekur të shohin përtej shenjave të saj të rrepta duke paralajmëruar shkelësit.
Në mes të shkretëtirës shterpë të Nevadës, ka një rrugë të pashënjuar pluhuri, e cila të çon në portën e përparme të Zonës 51.
Ajo që ndodh saktësisht brenda Zonës 51, ka çuar në spekulime të egra. Ekzistojnë, natyrisht, konspiracione alienësh se vizitorët e galaktikës kanë hyrë diku brenda. Një nga thashethemet më të gjalla insiston në atë se rrëzimi famëkeq i vitit 1947 Roswell ishte në të vërtetë një aeroplan sovjetik, i pilotuar nga xhuxhët e gjenefikuar dhe mbetjet mbetën mbi bazën e Zonës 51. Disa madje besojnë se qeveria amerikane filmoi Hënën e vitit 1969 duke zbritur në një nga hangarët e bazës. Për të gjitha mitet dhe legjendat, ajo që është e vërtetë është se, Zona 51 ekziston.
Për të folur për këtë mister, të ftuar në “Shqipëria LIVE” ishin Nadir Mura, studiues, Dr Gennaro Pepe, piskoanalist dhe, Nevruz Nazarko, profesor në Universitetin e Michigan-Dearborn dhe kontabilitet financiar.
Ekzistenca e këtyre jetëve jashtëtokësore në këtë bazë është hedhur poshtë nga profesor Nevruz Nazarko, i cili tha se ajo është thjesht një bazë sekrete ushtarake, ku SHBA-të testojnë armët dhe teknologjinë më të fundit.
“Avionët e fundit të teknologjisë së fundit, testohen aty dhe prandaj është bërë lidhja me alienët. Ajo është thjesht një bazë sekrete ushtarake ku testohen teknologjitë e fundit, është një sekret shtetëror për të mbrojtur testimet dhe armët, për sigurinë e SHBA-ve. Mjetet që testoheshin aty ishin jo të zakonshme. “- tha profesori Nazarko.
Nga ana tjetër, psikoanalizti italian Gennaro Pepe ka ngritur dyshime, pasi sipas tij ka intervistuar dhe studiuar njerëz që kanë pasur kontakte me qenie jashtëtokësiore, madje ai theksoi se ka forma të ndryshme aliene.
“Kam studiuar njerëz që dëshmojnë se kanë pasur kontakte me qenia jo tokësore. Ata i çojnë në gjendje tjetër koshience. Mendja fokusohet vetëm në atë rast dhe ka shumë mundësi për të zbuluar kujtimet. Alieni tipik është ai që njihet nga të gjithë me sy të mëdhenj, por ka forma të ndryshme. Ikona klasike është ajo që bën pjesë në kulturën tonë. Tashëm të gjithë e pranojmë se si një qenie mund të shfaqet nga një moment në tjetrin. Shumë prej nesh tokësorëve, kontaktohen nga alienët dhe ndodhen në një plan fizik të ndryshëm. Nuk ndodh në nivel fizik por njerëzit tregojnë se si janë marrë dhe janë çuar në ambiente të tjera, në anije kozmike. Kanë pasur përvoja të rëndësishme për këtë periudhë ku ndodhet njerëzimi. Ndodh sepse duan të na thonë disa gjëra që po ndodhin”- tha ai.
/e.d
