Nga Fatmir Merkoçi*
Reforma në Drejtësi vazhdon të thellojë krizën në institucionet e saja. Nëse në K.L.GJ. anëtarët e saj janë me mandate të rregullta, sipas ligjit kushtetues dhe ligjit, për organet e qeverisjes së sistemit të drejtësisë, ndryshe ndodh në organin e K.L.P-së.
Rasti i Gent Ibrahimit, Kryetar i Këshillit të Lartë të Prokurorisë, është një nga precedentët. Pasi i ka mbaruar mandati, jo vetëm për postin e Kryetarit, por dhe i të qënurit anëtar i saj.
Gent Ibrahimi ka ardhur nga shoqëria civile dhe është me një mandat tre vjeçar. Më 19.12.2018 është shpallur Lista me pesë anëtarët me mandat tre vjeçar. Në këtë listë, Kuvendi publikon njoftimin për pesë vende vakant, mes emrave ishte dhe ai i Gent Ibrahimit. Kjo listë e shpallur nga Kuvendi, është detyrim ligjor, sipas Ligji nr. 115/2016 dt. 03.11.2016 për organet e qeverisjes së sistemit të drejtësisë.
Çdo vërteton katërcipërisht se: Mandatin e ka vetëm për tre vite, pa të drejtë rikandidimi. Por çuditërisht ky njoftim i kuvendit u hoq nga faqja zyrtare e kuvendit. Dhe pse ky njoftim ishte bërë në mbështetje të pjesës detyruese, ku thuhet se:-Thirrja për paraqitjen e shprehjes së interesit:
Neni 153
- Jo më vonë se 4 muaj para datës së mbarimit të mandatit të anëtarit nga shoqëria civile në Këshillin e Lartë të Prokurorisë në detyrë, Sekretari i Përgjithshëm i Kuvendit shpall thirrjen për paraqitjen e shprehjeve të interesit nga kandidatët e shoqërisë civile që janë të interesuar për pozicionin e anëtarit të Këshillit.
- Thirrja shpallet në faqen zyrtare
Por u bë gati një vit dhe emri i Gent Ibrahimit nuk shfaqet fare si mbarues mandati. Kjo tregon se ky organ, dhe sidomos Kryetari i saj, është i kapur, nga qeveria e politika. Por përse ju duhet ky post, kush janë përfitimet.? Kjo nuk ka të bëjë me mbylljen e drejtpërdrejt me mbylljen e dosjeve, por ka të bëjë me emërimet dhe lëvizjet e prokurorëve. Pra kapja e këtij institucioni, është një ogur i mirë për vetë Ramën, i cili kërkon që të emërojë apo transferojë prokuror, atje ku ai mendon, apo ku janë dosjet e “ nxehta”.
Në këtë rast, nuk po e ul nivelin, për ta trajtuar si një çështje nepotizmi, lidhje familjare, apo lidhje partishmërie. Kuptohet se, nuk po them se Ibrahimi është pjesë e SOROS, paçka çfarë nënkuptohet nga ardhjet prej shoqërisë civile që e vetë deklarojnë atë.
Tashmë mund të themi se: Reforma në Drejtësi ka dështuar, pasi institucionet e saj, janë të kapura. Tashmë kjo nuk është një hipotezë, por një fakt real dhe i pa kontestueshëm. Por ajo që bie në sy, është fakti se në këtë rast, janë përshirë institucione ligjvënëse dhe ligj zbatuese. Por më e rënda është se dhe vetë prokurorët, anëtarët e K.L.P.-së, nuk po bëjnë asnjë reagim. E kur e shkelin ligjin ata që duhet ta mbrojnë atë, si mundet të këtë besim qytetari tek drejtësia ? Kur sondazhi i fundit i bërë nga vetë SOROS, tregon se niveli i besimit tek drejtësia sa vjen e ulet. Sot, sipas sondazhit, mbi 60% e popullsisë nuk kanë besim tek drejtësia. Kjo jo vetëm nga zvarritjet e çështjeve, por dhe nga mos veprimi për të realizuar pandëshkueshmërinë. Dhe pse kaluan vite, dhe pse u ngritën institucione, pandëshkueshmëria në sytë e qytetarëve është shumë prezent. Kjo sepse gjithkush tashmë e di se, drejtësia, jo që nuk është e pa varur, por ajo nuk i shpëtoi dot politikës, duke u bërë levë e saj.
*Avokat
