Kur fshatrat italianë filluan të shesin shtëpitë për 1 $, dukej shumë mirë po të ishte e vërtetë. Por oferta e fundit nga Italia është akoma më e mirë.
Rajoni i egër i Molise që shtrihet në lindje të Romës, ka njoftuar se do t’u paguajë njerëzve më shumë se 27,000 dollarë për t’u vendosur në një nga 106 fshatrat me një numër minimal banorësh në një përpjekje për të parandaluar që komunitetet e tyre të humbasin, shkruan CNN.
Kushdo që pranon ofertën do të marrë 700 euro në muaj (rreth 770 dollarë) deri në tre vjet për t’i ndihmuar ata që do të vendosen në një zonë të njohur për kullotat e saj të gjelbërta, me ullishta dhe male me dëborë.
Ata që pranojnë ofertën, gjithashtu duhet të angazhohen për fillimin e një biznesi të vogël, në mënyrë që të kontribuojnë në ekonominë lokale.
Të rinjtë dhe çiftet me fëmijë inkurajohen veçanërisht të aplikojnë në skemë, e cila do të fillohet zyrtarisht në 16 shtator. /l.m
