Ish-deputeti demokrat Myslim Murrizi u paraqit në SPAK ditën e sotme. Këtë të martë në një bashkëbisedim me gazetarin Besard Jacaj në Klan News, Murrizi u kujdes të theksonte se prania e tij në ambientet e Prokurorisë së Posaçme nuk ishte një vizitë.
“Unë nuk jam nga ata që them takova kolegët dhe më thatë vizitë. Zakonisht vizitat i bëj tek miqtë ose më vizitojnë mjekët kur kam nevojë për vi
Ai sqaroi se ishte për një çështje që nuk ka të bëjë me të. Sa i përket vetes së tij, Murrizi sqaroi se nuk është nga ata që fshihet. Megjithatë, ish-deputeti thotë se së shpejti do dalë se për çfarë ishte i pranishëm në SPAK.
“Që s’ka të bëjë me mua le ta dinë ata që na ndjekin nga ekrani juaj dhe që unë nuk kam asnjë lloj droje nëse do kishte sikurse në 2022 ka pasur një hetim për Murrizin 10-mujor dhe kam qenë i pranishëm në media. Pra nuk jam nga ata që fshihem dhe ai hetim rezultoi që kishte qenë lapsus dhe kam fituar edhe gjyqin e pafajësisë së asaj. S’ka të bëjë me Murrizin si person. Por se për çfarë ka qenë do dalë shumë shpejt besoj se këtu mendoj që ndonjë kolegu juaj apo kolege që ka akses për të marrë ndonjë gjë vesh sikur po zbulon ajsbergun do ta marri vesh, s’e kam qejf që ta deklaroj për çfarë. Po ta shikoni koha ime ishte shumë e shkurtër”, tha Murrizi.
Por a duhet të ketë dikush frikë nga dëshmia e tij? Murrizi përgjigjet kështu:
“Të gjithë ata që janë bërë zullume duhet të kenë frikë sepse siç kam bërë denoncime zyrtare në tre raste, një ka qenë tenderi i uniformave, një ka qenë lopët sa një “Benz C Class” me sinjale te pasqyra, një ka qenë ajo miza e ullirit te tuneli i këtij. Ata që kanë marrë para nga taksat e shqiptarëve dhe që e dëgjojnë veten e tyre të përmendur nga goja e Murrizit të jenë të bindur që unë nuk sajoj për një grusht votash më shumë dhe nuk bëj politikë me fatkeqësinë e askujt. Unë nuk jam nga ata sadistët që gëzohem pse rritet numri i të arrestuarve. Përkundrazi jam ndër të paktë edhe ish-ligjvënës që kam thënë kemi kod penal bolshevik”, tha ai.
