Puntata e radhës e rubrikës “Ka një mesazh për ty”, është zhvilluar në ambientet e një qendre tregtare në Tiranë.
Edi vendosi t’i propozojë të dashurës së tij Nada, në sy të të gjithëve, për ta bërë këtë ditë edhe më të veçantë për ta.
“Historia ime ka filluar në vitin 2012, isha në universitet, 19 vjeç. Do shkonim me një shok në mbrëmje. I thashë shokut dua të më prezantosh një vajzë. U futëm të dy brenda dhe e dashura e shokut më prezantoi me shoqen e saj. Unë me atë kurrë tha ajo. Më pas në takimin e parë dhamë puthjen e parë. E kishim shumë të vështirë të takoheshim se atë e shoqëronte familja. Pas 3 muajve mora guximin të takoj të atin e saj. Isha skeptik, nuk doja të takonte familjen time sepse kisha shkollën. Kjo gjë vazhdoi për rreth 3 vjet dhe më pas vendosëm me familjen të takonim familjen e vajzës”, tregoi Edi.
Sakaq, në ambientet e qendrës tregtare Edi nxori unazën dhe i propozoi Nadës për martesë. Të gjithë të pranishmit u emocionuan shumë, duke krijuar një atmosferë të magjishme për Nadën e cila mes emocionesh tha “PO”.
