Kryetari i bashkisë së Tiranës, Erion Veliaj në një intervistë për emisionin “45 Minuta” të drejtuar nga Denis Minga në Report Tv foli për zgjedhjet lokale, rikandidimin, marrëdhënien me kryeministrin Edi Rama dhe protestat e opozitës pas djegies së mandateve.
“Është ankthi i dikujt të dëshpëruar, si Berishën që nuk e do popullin dhe atij tjetrit që është në gjumë. Në Tiranë njerëzit shikojnë hallet e tyre. Njerëzit në Tiranë duan të shikojnë jetën e tyre. Më rezulton një përpjekje e lodhur, e ca njerëzve që nuk po arrijnë që hallin e tyre ta bëjnë hall kombëtar. Jam fokusuar te bashkia, pasi qytetarët më besuan Tiranën dhe jo politikën e madhe. Bashkia tjetër nga ana e lumit është e mbyllur, unë ca i njoh edhe si fytyra. I cilësoj si vizitë e tyre, eskursion.
Nëse do të ishin anti sistem pse nuk e japin dorëheqjen nga Shkodra, Kamza apo Vora? Hipokrizia është shumë e madhe. Kur fitojnë lojën e duan pushtetin, kur humbasin thonë anulim loje. Sa mbaron eskursioni duhet të bëjmë pastrimin në Tiranë. Këto janë ngërce të vogla, nuk kemi krizë, javën tjetër në parlament do të kalojë edhe 100-ja (numri i deputetëve)” tha ai.
Opozita bojkot zgjedhjeve lokale? Veliaj: Shpresoj ti thërrasin mendjes…do të vijnë
“Kemi zgjedhje në 30 qershor, është mundësi për opozitën të tregojë sa vota ka, nëse fiton masivisht zgjedhjet lokale ka një argument për kërkesa të tjerë, por sa kohë të gjitha sondazhet e tregojnë opozitën pikiatë…Si mund të iki unë nga kjo zyrë dhe ta lë Tiranën pa pastruar dhe gjelbëruar se dikush thotë ik ti dhe të vij unë. Unë jam shpresëplotë se do ti thërrasin mendjen dhe të vijnë në 30 qershor. Janë treguar selektiv, nuk kanë ikur nga bashkitë, kjo më thotë se u shijon ai pushtet. Fakti që po rrinë në bashki tregon se do të bëjnë betejë për Shkodrën, Vorën, Kamzën, etj” tha ai.
/a.rada
