Pas një konfrontimi fizik mbrëmjen e së shtunës me kantautorin Flori Mumajesi, Stine ka qenë personazhi kryesor i mediave dy ditët e fundit. Edhe gjatë ditës së sotme, shumë media online kanë ngritur të njëjtën pikëpyetje: a do të kërcejë Stine sonte në “Dance With Me”? Nga produksioni i DWM, raportohet për revistën Class se Stine do të jetë sonte në spektakël, do të kërcejë si çdo javë tjetër me partneren e tij, Rozën, madje edhe do të shpjegojë publikisht ngjarjen e ndodhur mes tij dhe Flor Mumajesit, pas natës finale të “Këngës Magjike”.
Dyshimet mediatike për një mungesë të mundshme mbrëmjen e sotme të Stines erdhën edhe për shkak se ai nuk ishte i pranishëm të dielën në mbrëmje në provat gjenerale të show-t. Megjithatë, burime pranë produksionit konfirmojnë pjesëmarrjen e tij në garë si çdo javë tjetër, angazhimin maksimal dhe “luftën” deri në finale për të fituar çmimin e madh. Revista Class
