Ja pyetja 1 milion dollarëshe e vizitës së kryeministrit serb Vuçiç. Kreu i qeverisë serbe do të shkelë sot për herë të parë në historinë e marrëdhënieve dypalëshe tokën shqiptare, në një vizitë që konsiderohet si delikate dhe me tension të lartë politik. Kryeqyteti shqiptar është thuajse i bllokuar në të gjitha arteriet kryesore të tij dhe shteti duket i organizuar që vizita të shkojë e qetë dhe pa asnjë problem.
Në fakt rreziku për “probleme” nuk vjen nga provokimet në rrugë, por nga mënyra sesi do të sillen me njëri-tjetrin miqtë dhe të zotët e shtëpisë. Rama dhe Vuçiç janë takuar shpesh mes tyre, ata njihen nga afër dhe mund të thuhet se e dinë çfarë do t’i thonë njëri-tjetrit. Megjithatë ka kuriozitet të madh, në lidhje me sjelljen e kryeministrit serb, për shkak se ardhja e tij sot, konceptohet edhe si një shans për një revansh të vogël ndaj frazës “Aleksandër, Kosova është shtet i pavarur”. A do ta dëgjojmë sot në Tiranë “Kosova është Derbi”, nga goja e shtetarit serb? Të presim e të shohim.
S.Minxhozi
