Ka nisur vizita zyrtare e kryeministrit serb, Aleksandër Vuçiç në Tiranë.
Kryeministri shqiptar, Edi Rama dhe Ministri i jashtëm, Ditmir Bushati kanë arritur në Pallatin e Brigadave në pritje të shefit të qeverisë serbe
Ndërkaq, edhe flamuri serb tashmë është vendosur krah atij shqiptar në Pallatin e Brigadave në dallim nga ceremonia e pritjes së shefit të qeverisë shqiptare në Beograd ku mungonte flamuri kuqezi.
Kjo ceremoni e organizuar në Tiranë është e njëjtë sa i përket masave të sigurisë sikurse ajo e pritjes së Papa Françeskut në Tiranë gjatë vizitës së tij në Shqipëri shtatorin e vitit të shkuar.
