SHBA-ja nuk e ka parë ende të nevojshme rrëzimin e raketave të Koresë Veriore të cilat janë testuar dhe hedhur në drejtim të Japonisë. Por lëshimi i raketave në të ardhmen të cilat e kërcënojnë SHBA-në apo territorin japonez do të nxisin një përgjigje ndryshe nga SHBA-ja, ka thënë sekretari i Mbrojtjes i SHBA-së, Jim Mattis.
Ai u pyet pse SHBA-ja, e cila ka shpenzuar dhjetëra miliarda dollarë në programe të mbrojtjes raketore në dekadat e fundit, nuk ka tentuar t’i interceptojë raketat e Koresë Veriore pasi ato demonstrojnë kapacitet raketor tejet të sofistikuar.
“Sepse ato raketa nuk janë duke na kërcënuar drejtpërdrejt”, është përgjigjur ai./a.m.
